عشقِ محمدی کی جو توفیق چاہیے

عشقِ محمدی کی جو توفیق چاہیے 
انساں کے دل میں جذبہء صدیق چاہیے 

تعلیمِ مصطفی ﷺ کا تقاضا یہی تو ہے 
اسلام اور کفر میں تفریق چاہیے 

اسرارِ کائنات معمہ نہیں کوئی 
قرآن کہہ رہا ہے کہ تحقیق چاہیے 

فرد عمل تو ہو گی جبھی قابل قبول 
اللہ کے رسول ﷺ کی تقدیس چاہیے 

مانا کہ پرکشش ہیں خدوخالِ ظاہری 
اوصافِ باطنی کی بھی تخلیق چاہیے 

اعجاز قصدِ کوئے محمدﷺ تو ہے مگر 
اللہ کی طرف سے بھی توفیق چاہیے 


اعجاز رحمانی ​

تبصرے

مقبول ترین تحریریں

درس قرآن نہ گر ہم نے بھلایا ہوتا

قرآں کی تلاوت کا مزا اور ہی کچھ ہے ​

احسن القصص سے کیا مراد ہے؟ سورۃ یوسف حاصل مطالعہ

کیا جزاک اللہ خیرا کے جواب میں وایاک کہنا بدعت ہے؟

ابراھیم خلیل اللہ علیہ السلام

ہم کیسے مسلمان ہیں کیسے مسلمان

کارسازِما بہ فکر کارِ ما

اے وطن پاک وطن روح روان احرار

امن و اخوت عدل ومحبت وحدت کا پرچار کرو

سارے لفظوں میں ایک لفظ یکتا بہت اور پیارا بہت